“სპორტი ყველასათვის”

• ხობში ტრადიციული სპორტული ფესტივალი – “სპორტი ყველასათვის” გაიმართა, რომელშიც, ხობის მუნიციპალიტეტის საჯარო სკოლების 400 მოსწავლე მონაწილეობდა.

ხობის მუნიციპალიტეტის მერიის ინფორმაციით, მინი ფეხბურთსა და მძლეოსნურ გარბენში გამარჯვებული და პრიზიორი გუნდები თასებით, მედლებითა და სამახსოვრო საჩუქრებით დაჯილდოვდნენ.

სპორტული ფესტივალი ხობის მუნიციპალიტეტის ადგილობრივი თვითმმართველობის, საქართველოს სპორტის სამინისტროს, საქართველოს ფეხბურთის ფედერაციის მხარდაჭერითა და საქართველოს ეროვნული ფედერაცია “სპორტი ყველასათვის” ორგანიზებით გაიმართა.

ღონისძიებას ხობის მუნიციპალიტეტის საკრებულოს თავმჯდომარე, გოჩა ქაჯაია და ხობის მუნიციპალიტეტის მერის მოადგილე დავით ბერაია, ადგილობრივი თვითმმართველობის წარმომადგენლებთან ერთად დაესწრნენ.