ხობის მუნიციპალიტეტის საბავშვო ბაღებში აღსაზრდელთა რეგისტრაცია დაიწყო

• ხობის მუნიციპალიტეტის საბავშვო ბაღებში აღსაზრდელთა რეგისტრაცია დაიწყო.

აღსაზრდელთა რეგისტრაცია შესაძლებელია ა(ა)იპ ,,ხობის მუნიციპალიტეტის სკოლამდელი სააღმზრდელო გაერთიანების“ 23 სტრუქტურულ ერთეულში.

რეგისტრაციისთვის წარმოსადგენია შემდეგი დოკუმენტაცია:

ბავშვის დაბადების მოწმობა (2 ეგზემპლარი);

ჯანმრთელობის ცნობა (ჩატარებული აცრების მითითებით);

შშმ ბავშვის შემთხვევაში, ფორმა №IV-100 ან ფორმა №50 და სამედიცინო დაწესებულებიდან გაცემული შეფასების რეკომენდაცია საბავშვო ბაღში ჩართვის შესახებ;

ფოტოსურათი – 2 ცალი (3X4);

მშობლების/კანონიერი წარმომადგენლის პირადობის მოწმობის ასლები.

2 წლიდან აღსაზრდელები რეგისტრირდებიან მხოლოდ შემდეგ საბავშვო ბაგა-ბაღებში:

ქალაქ ხობის N1 საბავშვო ბაგა-ბაღი;

ქალაქ ხობის N2 საბავშვო ბაგა-ბაღი;

პირველი მაისის საბავშვო ბაგა-ბაღი;

საჯიჯაოს საბავშვო ბაგა-ბაღი;

ხეთის საბავშვო ბაგა-ბაღი.

საბავშვო ბაღებში ჩარიცხვის პროცესში პრიორიტეტი ენიჭებათ შემდეგი კატეგორიის აღსაზრდელებს:

სოციალურად დაუცველი ოჯახის ბავშვებს;

მრავალშვილიანი ოჯახის შვილებს;

დედით ან/და მამით ობოლ ბავშვებს;

მარტოხელა ოჯახის შვილებს;

იმ ოჯახის შვილებს, რომელთა და-ძმა ჩარიცხულია იმავე ბაღში;

სპეციალური საგანმათლებლო საჭიროების მქონე ბავშვებს.

რეგისტრაცია ასევე შესაძლებელია ქალაქ ხობის, ჭალადიდისა და თორსის საჯარო სკოლების ბაზაზე გახსნილ სასკოლო მზაობის ალტერნატიულ ცენტრებში, სადაც 3-საათიანი სასკოლო მზაობის პროგრამა განხორციელდება ბაღთან შეთავსებით.

ხობის მუნიციპალიტეტის სკოლამდელ დაწესებულებებში 2026 -2027 სასწავლო-სააღმზრდელო წლისთვის აღსაზრდელთა რეგისტრაცია 15 აგვისტომდე გაგრძელდება.