„ევროპის დღეების“ ფარგლებში ღონისძიებები გაიმართა

• დღეს, ხობის კულტურის სასახლეში „ევროპის დღეების“ აღსანიშნავად კულტურულ-საგანმანათლებლო და სპორტული ღონისძიებები გაიმართა.

უწყების ცნობით, ნატოსა და ევროკავშირის შესახებ საინფორმაციო ცენტრის სამეგრელო-ზემო სვანეთის რეგიონული ბიუროს წარმომადგენელმა ანა ცანავამ ახალგაზრდებთან ევროკავშირის ისტორიაზე, საქართველო-ევროკავშირის ურთიერთობებზე და განვითარების პერსპექტივებზე ისაუბრა.

კულტურის სასახლის ფოიეში სპორტული შეჯიბრებები გაიმართა მაგიდის ჩოგბურთში, შაშსა და ნარდში. მოეწყო ევროპის კუთხე და ხობის მოსწავლე-ახალგაზრდობის ცენტრის მოსწავლეების მიერ საქართველო-ევროკავშირის თემაზე შექმნილი ნახატების გამოფენა გაიმართა.

„ევროპის დღეების“ აღსანიშნავად გამართულ ღონისძიებებს ადგილობრივი თვითმმართველობის წარმომადგენლებთან ერთად საკრებულოს თავმჯდომარე ლევან ქავთარაძე და მერის მოადგილე დავით ბერაია ესწრებოდნენ.