- ხობის მუნიციპალიტეტის პირველი მაისის ადმინისტრაციული ერთეულის სოფელ საკვიკვინიოში სტიქიის შედეგად დაზიანებულ მონაკვეთზე რკინა-ბეტონის საყრდენი კედლის მშენებლობა, ხიდის რეაბილიტაცია და ნაპირდამცავი გაბიონის მოწყობა მიმდინარეობს.
პროექტის შესაბამისად შენდება ნაპირდამცავი საყრდენი კედელი, სრულად რეაბილიტირდება დაზიანებული ხიდი, მოეწყობა ბეტონის ფილები და გაბიონი.
რკინა-ბეტონის საყრდენი კედლის მშენებლობა სტიქიის შედეგად დაზიანებული ინფრასტრუქტურის აღსადგენად გამოყოფილი თანხით, ხოლო ხიდის რეაბილიტაცია და გაბიონის მოწყობა ადგილობრივი ბიუჯეტის დაფინანსებით ხორციელდება.
ინფორმაციას ხობის მუნიციპალიტეტის მერია ავრცელებს